Институти “Ҷамъияти Кушода” Бунёди Мадад дар Тоҷикистон як қатор ташаббусҳоро оид ба пешбурди системаҳои фарогири таҳсилот ва тандурустӣ, муносибгардонии иҷтимоӣ иқтисодӣ, шаффофият ва ҳифзи ҳуқуқҳо ва озодиҳоро иҷро менамояд.

Институти “Ҷамъияти Кушода” Бунёди Мадад дар Тоҷикистон як қатор ташаббусҳоро оид ба пешбурди системаҳои фарогири таҳсилот ва тандурустӣ, муносибгардонии иҷтимоӣ иқтисодӣ, шаффофият ва ҳифзи ҳуқуқҳо ва озодиҳоро иҷро менамояд.

Муфассал

Даъват ба лексияи кушоди онлайн

19-ми ноябри соли 2020, 09:28

                                                  ...

Муфассал

Даъват ба лексияи кушоди онлайн

29-ми октябри соли 2020, 12:01

                                                  ...

Муфассал

Бозомӯзӣ доир ба соҳибкории иҷтимоӣ барои ТҒД

14-ми октябри соли 2020, 06:53

                                                  ...

Муфассал

ҶОРҶ СОРОС

Ҷорҷ Сорос дар замони авҷи даргириҳои шадиди асри бист дар Маҷористон, замоне ки тамоми кишвар майдони муҳориба буд, ба воя расидааст. Бардошти ӯ аз ин ҳодисаву руйдодҳо, мисли зуроварӣ, истилоъи аҷнабиён, бадбинӣ нисбати қавми яҳуд ва шаклҳои дигари таҳаммулнопазирӣ дар якҷоягӣ бо шавқу рағбати ӯ ба илми фалсафа, минбаъд бинои афкору ақидаи уро гузошта барои муваффақ шуданаш ҳам дар фалсафа ва ҳам дар саховатпешагӣ мусоидат намуданд.

Соли 1979 Ҷорҷ Сорос дар ИМА бунёди нахустини худ, “Ҷамъияти Кушода”-ро таъсис дод.

Саҳифа дар Wikipedia

19-ми ноябри соли 2020, 09:28

                                                              БАРНОМАИ «ДАСТГИРИИ ИДОРАИ МОЛИЯИ ДАВЛАТӢ ДАР ҶУМҲУРИИ ТОҶИКИСТОН» Бо маблағгузории Вазорати Корҳои Хориҷӣ  ва Рушди Байналмиллалии Британиёи Кабир (FCDO). Даъват ба лексияи кушоди онлайн “Таҳлили устувории молиявии буҷетҳои маҳаллии Ҷумҳурии Тоҷикистон (дар мисоли ноҳияи Тоҷикобод)”. 20 ноябри соли 2020, 16:00 – 17:00 https://webinar.cict.tj/gl/tal-7gz-anx Дар ин лексияи натиҷаҳои тадқиқот оид ба таҳлили устувории молиявии буҷетҳои маҳаллии Ҷумҳурии Тоҷикистон (дар мисоли ноҳияи Тоҷикобод) баррасӣ мегардад. Дар чорабинии мазкур коэффисиентҳо оид ба даромади буҷет, ҳаҷми даромади танзимшаванда, воситаҳои қарзӣ, фондҳои ғайрибуҷетӣ ва ҳаҷми умумии хароҷотҳои буҷет, сатҳи устувории буҷети маҳаллии ноҳияи Тоҷикобод таҳлил мегардад. Дар лексия диққати алоҳида ба таҳлили натиҷагирии барномаи рушди иҷтимоӣ-иқтисодии ноҳия ва ҷустуҷуи роҳҳои баланд бардоштани таъминоти молиявии қисми даромади буҷет дода мешавад. Лектор: Саидраҳмонов Сайдалӣ, роҳбари ташкилоти ҷамъиятии “Сурхоб”. Макони чорабинӣ: Лексия дар ҳолати онлайн баргузор мегардад ва хоҳишмандон метавонанд ба тариқи сомонаи зерин пайваст шаванд: https://webinar.cict.tj/gl/tal-7gz-anx Забони чорабинӣ:  тоҷикӣ – русӣ. Силсилаи лексияҳои кушод дар чорчубаи лоиҳаи “Дастгирии идораи молияи давлатӣ” гузаронида мешавад ва аз ҷониби Вазорати Корҳои Хориҷӣ  ва Рушди Байналмиллалии Британиёи Кабир (FCDO) маблағгузорӣ мешавад. Мавқеи Шӯъбаи ташкилоти байналмилалии Институти «Ҷамъияти Кушода» - Бунёди Мадад дар Тоҷикистон ва Вазорати Корҳои Хориҷӣ  ва Рушди Байналмиллалии Британиёи Кабир мумкин аст бо нуқтаи назари муаллиф - баромадкунанда мувофик набошанд.
                                                           Маркази таълимии Иттиҳодияи ташкилотҳои қарздиҳии хурди Тоҷикистон дар якҷоягӣ бо Институти “Ҷамъияти Кушода” Бунёди Мадад дар Тоҷикистон, намояндагони ҷомеаи шаҳрвандӣ ва ташкилотҳои ғайритиҷоратиро ба вебинари бахшида ба мавзӯи “Муқовимат ба қонунигардонии (ба расмият даровардани) даромадҳои бо роҳи ҷиноӣ ба даст овардашуда, маблағгузории терроризм ва маблағгузории паҳншавии силоҳи қатли ом МҚД/МТ/МПСҚО” даъват менамояд. Вебинар 17, 18 ва 30 ноябри соли 2020, бо давомнокии 2 соат, аз 15.00 то 17.00 баргузор мегардад. Вебинарро мутахассисони департаменти мониторинги молиявии Бонки миллии Ҷумҳурии Тоҷикистон мегузаронанд. Масъалаҳое, ки дар вебинар баррасӣ мешаванд: Қонунгузории ҶТ дар соҳаи МҚД/МТ/МПСҚО, бо дарназардошти тағйироти охирин; Танзими меъёрӣ –ҳуқуқӣ дар соҳаи МҚД/МТ/МПСҚО, бо дарназардошти талабот ба ТҒТ; Тавсияҳо барои бахши ТҒТ дар соҳаи МҚД/МТ/МПСҚО; Хатари истифодаи ташкилотҳои ғайритиҷоратӣ бо ҳадафҳои террористӣ; Тарзҳои истифодабарии ғайриқонунии бахши ТҒТ бо мақсади маблағгузории терроризм; Чораҳое, ки бояд аз ҷониби ТҒТ барои муқовимат ба истифодаи онҳо бо аҳдофи МТ, андешида шаванд; Саволу ҷавоб. Баъди вебинарҳо муҳокимаҳои ҷамъиятӣ гузаронида мешаванд, ва дар онҳо тавсияҳое баррасӣ мешаванд, ки оянда дар комиссияи доим амалкунандаи байниидоравии доир ба МҚД/МТ/МПСҚО пешниҳод карда хоҳанд шуд.  Вебинар дар платформаи ZOOM мегузарад. Барои иштирок, то 16 ноябр худро аз қайд гузаронида санаи иштирокро тавассути рақами зерин интихоб намоед: +992988381045 (whatsapp, telegram, viber), ва ё ба почтаи электронӣ нависед: Training_center@amfot.tj. Ишора ба ҳуҷраи вебинар ба почтаи электронии иштирокчиёне, ки иштирокашонро тасдиқ мекунанд, равон карда мешавад. Маълумоти муфассалро метавонед тавассути ин рақам пайдо намоед: 988381045 Бо зҳтиром, Иброҳимова Гулноз Директори маркази таълим ва рушди маблағгузории хурди Тоҷикистон (МТРМХ) 734003, Ҷумҳурии Тоҷикистон, ш. Душанбе, к. Фирӯз, 14, тел: (+99244)600-57-93 Моб: (+992988)38-10-45 Skype: gulnozib

29-ми октябри соли 2020, 12:01

                                                            Даъват ба лексияи кушоди онлайн “Афзалиятҳои ноҳияи Деваштич ва коҳиш додани ҳиссаи субвенсия”. 30 октябри соли 2020, 16:00 – 17:00 https://webinar.cict.tj/gl/tal-7gz-anx Дар лексияи  мазкур натиҷаи таҳқиқоти “Афзалиятҳои ноҳияи Деваштич ва коҳиш додани ҳиссаи субвенсия дар минтақаи дорои дефитсити буҷавӣ” баррасӣ мегардад. Дар чорчӯбаи ин чорабинӣ динамикаи рушди нишондодҳои иқтисодӣ, таҳлили қисми даромад ва хароҷоти буҷет, имкониятҳои дохила ва афзалиятҳои ноҳия муайян шуда, самтҳои иқтисодӣ  дар коҳиш додани ҳиссаи  субвенсия дар ноҳия бо пешниҳоди хулосаҳо ва тавсияҳои мушаххас муҳокима мегардад. Ноҳияи Деваштич, ноҳияи аграрӣ буда, кишоварзӣ шуғли асосии аҳолӣ ва соҳаи афзалиятноки ноҳия ба шумор меравад. Ҷолиби қайд аст, ки имрӯз дар вилояти Суғд шаҳри Истиқлол ва ноҳияҳои Шаҳристон, Кӯҳистони Мастчоҳ, Ашт ва Деваштич минтақаҳои субвенсионии ба шумор мераванд. Аз ин панҷ навоҳӣ танҳо Истиқлол шаҳри саноатӣ ба ҳисоб рафта, боқимонда ноҳияҳо, кишоварзӣ соҳаи афзалиятнок ба шумор меравад. Солҳои охир субвенсияи ноҳияси Деваштич ба 69,2 % расид ва дар муқоиса бо соли 2016 субвенсияи ноҳия ба 24,2 % афзудааст. Лектор: Зебо Қурбонова, рӯзноманигори  “Гулистони дониш”. Макони чорабинӣ: Лексия дар ҳолати онлайн баргузор мегардад ва хоҳишмандон метавонанд ба тариқи сомонаи зерин пайваст шаванд: https://webinar.cict.tj/gl/tal-7gz-anx Забони чорабинӣ:  тоҷикӣ – русӣ. Силсилаи лексияҳои кушод дар чорчубаи лоиҳаи “Дастгирии идораи молияи давлатӣ” гузаронида мешавад ва аз ҷониби Вазорати Корҳои Хориҷӣ  ва Рушди Байналмиллалии Британиёи Кабир (FCDO) маблағгузорӣ мешавад. Мавқеи Шӯъбаи ташкилоти байналмилалии Институти «Ҷамъияти Кушода» - Бунёди Мадад дар Тоҷикистон ва Вазорати Корҳои Хориҷӣ  ва Рушди Байналмиллалии Британиёи Кабир мумкин аст бо нуқтаи назари муаллиф - баромадкунанда мувофик набошанд.
                                                      Дар чоhчӯбаи лоиҳае, ки аз ҷониби Институти “Ҷамъияти Кушода” Бунёди Мадад дар Тоҷикистон маблағгузорӣ мешавад, барои намояндагони ТҒД бозомӯзӣ доир ба соҳибкории иҷтимоӣ гузаронида шуд.  Дар чоhчӯбаи вебинар иштирокчиён дар бораи чӣ будани соҳибкории иҷтимоӣ, кадом масоили ҳуқуқӣ бояд ба ҳисоб гирифта шаванд, ба чӣ диққат додан муҳим аст ва чӣ тавр соҳибкорӣ бояд пеш бурда шавад, маълумот гирифтанд. Тренерон:  Шодибег Қодиров ва Лола Насреддинова.  Шиносоӣ бо рӯнамоӣ: РӮНАМОИИ БОЗОМӮЗӢ.ppt  
                                                                          БАРНОМАИ «ДАСТГИРИИ ИДОРАИ МОЛИЯИ ДАВЛАТӢ ДАР ҶУМҲУРИИ ТОҶИКИСТОН» Бо маблағгузории Вазорати Корҳои Хориҷӣ  ва Рушди Байналмиллалии Британиёи Кабир (FCDO). Даъват ба лексияи кушоди онлайн “Баланд бардоштани самаранокии хизматрасонии буҷавӣ дар Ҷумҳурии Тоҷикистон”. 9 октябри соли 2020, 16:00 – 17:00 https://webinar.cict.tj/gl/tal-7gz-anx Дар лексия натиҷаҳои таҳқиқот оид ба “Баланд бардоштани самаранокии хизматрасонии буҷавӣ дар Ҷумҳурии Тоҷикистон” баррасӣ мегардад. Дар доираи лексияи кушод оид ба баланд бардоштани сифати хизматҳои буҷетӣ дар шароити иқтисоди бозорӣ равобит ва қонунияти ташаккули раванд, ки бо мақсади инкишофу навсозӣ, такмилу баланд бардоштани самаранокии сифати хизматрасонии буҷетӣ дар шароити гузариши Ҷумҳурии Тоҷикистон аз шакли афзалиятан экстенсивӣ ба шакли интенсивӣ нигаронида шудааст баррасӣ мегардад.   Давоми солҳои 2000-2018 дар соҳаҳои хизматрасонии Ҷумҳурии Тоҷикистон инчунин тамоили мусбати афзоиш мушоҳида карда мешавад, махсусан аз рўи шумораи машғулон дар ин соҳаҳо. Масалан, дар таркиби ММД Ҷумҳурии Тоҷикистон ҳиссаи соҳаҳои хизматрасонӣ соли 2018 – 41,7 фоизро ташкил дода, ҳиссаи машғулон ё кормандон дар ин соҳаҳо 30,0% тамоми машғулони иқтисодиётро ташкил дода буд, ҳол он ки ин нишондиҳандаҳо соли 2000 мувофиқан 31,0% ва 18,6% буданд.  Лектор: Машокиров Ҷамшед, н.и.и., дотсент, мудири шуъбаи рушди стратегӣ ва низоми менеҷменти сифати Донишгоҳи давлатии тиҷорати Тоҷикистон Макони чорабинӣ: Лексия дар ҳолати онлайн баргузор мегардад ва хоҳишмандон метавонанд ба тариқи сомонаи зерин пайваст шаванд: https://webinar.cict.tj/gl/tal-7gz-anx Забони чорабинӣ:  тоҷикӣ – русӣ. Силсилаи лексияҳои кушод дар чорчубаи лоиҳаи “Дастгирии идораи молияи давлатӣ” гузаронида мешавад ва аз ҷониби Вазорати Корҳои Хориҷӣ  ва Рушди Байналмиллалии Британиёи Кабир (FCDO) маблағгузорӣ мешавад. Мавқеи Шӯъбаи ташкилоти байналмилалии Институти «Ҷамъияти Кушода» - Бунёди Мадад дар Тоҷикистон ва Вазорати Корҳои Хориҷӣ  ва Рушди Байналмиллалии Британиёи Кабир мумкин аст бо нуқтаи назари муаллиф - баромадкунанда мувофик набошанд.
                                                                      БАРНОМАИ «ДАСТГИРИИ ИДОРАИ МОЛИЯИ ДАВЛАТӢ ДАР ҶУМҲУРИИ ТОҶИКИСТОН» Бо маблағгузории Вазорати Корҳои Хориҷӣ  ва Рушди Байналмиллалии Британиёи Кабир (FCDO). Даъват ба лексияи кушоди онлайн “Имтиёзҳои андозӣ дар бахши сайёҳӣ ва таъсири он ба рушди иқтисодӣ”. 18 сентябри соли 2020, 16:00 – 17:00 https://webinar.cict.tj/gl/tal-7gz-anx Дар лексия натиҷаҳои таҳқиқот оид ба “Татбиқи амалии имтиёзҳои андозӣ дар бахши сайёҳӣ ва таъсири он ба рушди иқтисодӣ дар Ҷумҳурии Тоҷикистон” баррасӣ мегардад. Ҷолиби қайд аст, ки имтиёзҳои андозӣ як ҷузъи таркибӣ ва муҳими қонунгузории андоз ба шумор мераванд, ки ба дастгирии соҳибкорӣ, ҷалби сармоягузорӣ ва таъмини рушди минбаъдаи иқтисодиёти кишвар равона шудаанд. Аз ин рў, танзими шароити мусоид барои рушди соҳаи сайёҳӣ ва такмили сиёсати давлатии идоракунии соҳа аз ҷумлаи афзалиятҳои муҳими сиёсати иқтисодию иҷтимоии рушди Ҷумҳурии Тоҷикистон ба ҳисоб меравад. Тибқи маълумотҳои дастрасгардиди Кумитаи рушди сайёҳии назди Ҳукумати Ҷумҳурии Тоҷикистон, шумораи субъектҳҳои соҳаи сайёҳии тибқи иҷозатнома фаъолияткунанда соли 2016 118 ададро ташкил намуда, ин нишондиҳанда дар соли 2019 ба 200 адад ва то моҳи марти соли 2020 214 ададро ташкил намудааст. Ҳамин тариқ, аз 214 андозсупорандаи дар соҳаи сайёҳии  кишвар фаъолияткунанда, ки 35 адад ё 16 %-и он тибқи низоми умумии андозбандӣ  ва 179 адад ё 84% - он тибқи низоми соддакардашудаи андозбанӣ фаъолият менамоянд. Лектор: Зоиров Назирҷон, аспиранти Донишгоҳи миллии Тоҷикистон Макони чорабинӣ: Лексия дар ҳолати онлайн баргузор мегардад ва хоҳишмандон метавонанд ба тариқи сомонаи зерин пайваст шаванд: https://webinar.cict.tj/gl/tal-7gz-anx Забони чорабинӣ:  тоҷикӣ – русӣ. Силсилаи лексияҳои кушод дар чорчубаи лоиҳаи “Дастгирии идораи молияи давлатӣ” гузаронида мешавад ва аз ҷониби Вазорати Корҳои Хориҷӣ  ва Рушди Байналмиллалии Британиёи Кабир (FCDO) маблағгузорӣ мешавад. Мавқеи Шӯъбаи ташкилоти байналмилалии Институти «Ҷамъияти Кушода» - Бунёди Мадад дар Тоҷикистон ва Вазорати Корҳои Хориҷӣ  ва Рушди Байналмиллалии Британиёи Кабир мумкин аст бо нуқтаи назари муаллиф - баромадкунанда мувофик набошанд
                                              Шуъбаи ташкилоти байналмилалии Институти      «Ҷамъияти Кушода» Бунёди Мадад дар Тоҷикистон  барои харидорӣ ва дастрас намудани васоити ҳифозатии инфиродии зерин тендер эълон менамояд: Номгӯй Шумора Ниқобчаҳои кӯдакона, аз матои пахтагин - 15000 дона Ниқобчаҳо барои калонсолон, 3-қабата - 10000 дона Дастпӯшҳо (100 донагӣ дар ҳар баста) - 250 баста Барои иштирок дар тендер ҳуҷҷатҳои зерин бояд ба суроғаи osiaf@osiaf.tj равон карда шаванд: ·               - пешниҳоди тиҷоратӣ оид ба дастрас намудани маҳсулот; ·               - аксҳо ва сертификатҳо доир ба маҳсулоти пешниҳодшаванда; ·               - иқтибос аз Реестри ягонаи давлатии шахсони ҳуқуқӣ ва соҳибкорони      инфиродӣ, ки на бештар аз 30 рӯз пеш гирифта шудааст. Мӯҳлати ниҳои қабули ҳуҷҷатҳо – 23 сентябри соли 2020. Ҳуҷҷатҳое, ки бо риоя накардани талаботи ИҶК БМТ тартиб дода шудаанд, номукаммаланд ва ё баъди мӯҳлати муқарраршуда ворид мешаванд, баррасӣ карда намешаванд. Ҳуҷҷатҳои ба тендер воридшуда баргардонида намешаванд.
Шуъбаи ташкилоти байналмилалии Институти “Ҷамъияти Кушода”- Бунёди Мадад дар Тоҷикистон озмуни кушод барои гирифтани бурс дар пешбурди ташаббусҳое, ки барои гирифтани аккредитатсияи байналмилалии сифати таҳсилоти олии касбӣ равона шудаанд, эълон менамояд. Барои иштирок дар озмун муассисаҳои таҳсилоти олии касбии Тоҷикистон даъват карда мешаванд. Самтҳои афзалиятдор озмун инҳоанд: Мутобиқ намудани барномаҳои таълимӣ, коргузорӣ, санадҳои меъёрӣ-ҳуқуқии донишгоҳ ба талаботи агентии аккредитатсияи байналмилалӣ, гузаштан  ва гирифтани шаҳодатномаи сифати таълимии агентии мустақили аккредитатсияи байналмилалӣ. Дар доираи ин афзалият буҷаи дархостшуда на беш аз 200 000 сомониро ташкил диҳад. Барои иштирок дар озмун бояд дархости пуркарда ва ҳуҷҷатҳои зарурӣ то 5 октябри соли 2020 дар платформаи онлайни www.osiaf.tj (бахши Грантҳо> Пешниҳоди дархостҳои грантӣ) пешниҳод карда шавад. Лоиҳаҳои дар доираи озмун қабулгардида аз рӯи меъёрҳои зерин арзёбӣ мешаванд: • ҳадафҳои возеҳ дар асоси афзалияти озмун, актуалӣ ва воқеияти амалигардии мақсадҳои гузошташуда; • навгонии ғоя ва роҳҳои ҳалли он; • доштани таҷриба ва нерӯ дар татбиқи лоиҳаҳои амсол, пешниҳод намудани натиҷаҳои лоиҳаҳои пешина, дар ҳолати будани он; • мутобиқати буҷет ба чорабиниҳои банақшагирифташуда ва талаботи озмун; • ҳамшарикӣ дар амалигардии лоиҳа пазируфта мешавад; • сифат ва пурраггии лоиҳа. Оид ба ҳамаи масоили вобаста ба озмун ба суроғаи ш.Душанбе, к. Бохтар 37/1, Маркази тиҷоратии “Бохтар”, ошёнаи 4, тел: 275558, 372270716, 372270749 муроҷиат намоед. Шахси масъул: Камолиддинов Манучехр - ҳамоҳангсози барномаи Таҳсилоти олӣ ва стипендияҳо, е-mail: manuchehr.kamoliddinov@osiaf.tj Ҳуҷҷатҳое, ки ба шартҳои озмун ихтилоф доранд, мукаммал нестанд ё дар мӯҳлати муқарраршуда пешниҳод нашудаанд, баррасӣ намешаванд. Маводи пешниҳодшуда баргардонида намешавад.
Шуъбаи ташкилоти байналмилалии Институти “Ҷамъияти Кушода”- Бунёди Мадад дар Тоҷикистон озмуни кушод барои гирифтани бурс дар пешбурди ташаббусҳо барои таҳия ва ҷорӣ намудани курси тафаккури интиқодӣ дар раванди таълимии муассисаҳои таҳсилоти олии касбии Тоҷикистон равона шудааст, эълон менамояд. Барои иштирок дар озмун ташкилотҳои ҳавасманд, аз ҷумла, муассисаҳои таҳсилоти олии касбӣ, ташкилотҳои ҷамъиятӣ ва асотсиатсияҳо даъват карда мешаванд. Самтҳои афзалиятдори озмун инҳоанд: Таҳияи нақшаҳои таълимӣ, курсҳои таълимӣ барои муассисаҳои таҳсилоти олии Тоҷикистон, таҳияи силлабусҳо, омӯзондани ҳайати омӯзгорон доир ба таълими курсҳои тафаккури интиқодӣ, гузарондани озмоиши курсҳои таҳияшуда, маводҳои таълимӣ дар ҷараёни таълим.  Дар доираи ин афзалият буҷаи дархостшуда на беш аз 100 000 сомониро ташкил диҳад. Барои иштирок дар озмун бояд дархости пуркарда ва ҳуҷҷатҳои зарурӣ то 25 сентябри соли 2020 дар платформаи онлайни www.osiaf.tj (бахши Грантҳо> Пешниҳоди дархостҳои грантӣ) пешниҳод карда шавад. Лоиҳаҳои дар доираи озмун қабулгардида аз рӯи меъёрҳои зерин арзёбӣ мешаванд: • ҳадафҳои возеҳ дар асоси афзалияти озмун, актуалӣ ва воқеияти амалигардии мақсадҳои гузошташуда; • навгонии ғоя ва роҳҳои ҳалли он; • доштани таҷриба ва нерӯ дар татбиқи лоиҳаҳои амсол, пешниҳод намудани натиҷаҳои лоиҳаҳои пешина, дар ҳолати будани он; • мутобиқати буҷет ба чорабиниҳои банақшагирифташуда ва талаботи озмун; • ҳамшарикӣ дар амалигардии лоиҳа пазируфта мешавад; • сифат ва пурраггии лоиҳа. Оид ба ҳамаи масоили вобаста ба озмун ба суроғаи ш.Душанбе, к. Бохтар 37/1, Маркази тиҷоратии “Бохтар”, ошёнаи 4, тел: 275558, 372270716, 372270749 муроҷиат намоед. Шахси масъул: Камолиддинов Манучехр - ҳамоҳангсози барномаи Таҳсилоти олӣ ва стипендияҳо, е-mail: manuchehr.kamoliddinov@osiaf.tj Ҳуҷҷатҳое, ки ба шартҳои озмун ихтилоф доранд, мукаммал нестанд ё дар мӯҳлати муқарраршуда пешниҳод нашудаанд, баррасӣ намешаванд. Маводи пешниҳодшуда баргардонида намешавад.
Тамос бо мо

Чи метавонем бароятон кунем?

ТАМОС